Sisasagana iti Candon City nu kas bilang mapasamak iti tsunami isu a naaramid iti Tsunami Evacuation Route Map para kadagiti umili.
Iti pannaki-uman ti Bombo Radyo Vigan ken ni Engr. Gregorio Novida Jr. a Candon City Disaster Risk Reduction and Management Officer, ti addang ket paset iti information and education campaign nu kas bilang sumangbay iti didigra tapno maliklikan iti casualties.
Segun ken ni Novida, dagiti lugar iti siudad nga adda iti coastal area ket pakairamanan iti Tamurong 1st, Tamurong 2nd, Darapidap, Paypayad, Calongbuyan, Patpata 1st, ken Patpata 2nd nga isu iti kangrunaan a mapan kadagiti safe zone nu kas bilang adda mapasamak a tsunami.
Nu kas bilang pay maibayog iti red alert status ket karaman kadagiti barangay a mapektaran ket iti Talogtog, San Nicolas, Paras, ken Calaoa-an.
Kabayatanna, inton bigat, January 21, 2025 iti panagrugi ti City Disaster Risk Reduction and Management iti proper dissemination inaig iti nasao nga addang.
VIDEO – ENGR. GREGORIO NOVIDA JR.
