VIGAN CITY-Tallo a pagtaengan ti natippang idiay Sitio Baang , Brgy. Cabaoran ,San Emilio ngem awan ti nadangran manipud kadagiti apektado a pamilya idinto a sumagmamano a barangay ti nakapasar ti landslide.
Segun kenni P/Insp. Gilbert Tolosa , deputy chief of police ti San Emilio Municipal Police Station, limmukneng ken nagringgat ti daga isu a natippang dagiti pagtaengan .
Pinatalgedan ni tolosa a saan a madalyasatan dagiti kalsada idiay barangay Kalumsing, Lancuas, Sibsibbu ken San Milliano nga agturong idiay Del Pilar gapu iti minor erosion.
Kabayatanna, idiay san Emilio West Central School ken pinatalgedan ti principal a ni Dr. Gaudencia Villosa a nagdissoor dagiti classroom ti Grade 1 ken Grade 2 ken ti principal’s office ket saanen a natalged a pagklasian isu a temporaryo nga usaren danto pay laeng ti covered court.
Iyuman to met ni Dr. Villosa kadagiti opisyal ti parents teachers association ken local government unit tapno maaksyonan ti napasamak iti pagadalan da.
