VIGAN CITY–Natakaw iti naduma-duma nga alikamen, pakairamanan iti kwarta da Naida Novida, agtawen iti tallu pulo ket uppat, maysa a book keeper; Lemia Collado, agtawen iti uppat a pulo ket uppat a maysa a sari-sari store owner kenni Ranea Racal, agtawen iti dua pulo ket tallo ken maysa a nurse iti pagtaengan da idiay Brgy. Ayudante, Candon City.
Maibasar iti imbestigasyon, nadlaw ni Bernardo Ramos, live in partner ni Naida, a nakalukat iti arwangan iti sari-sari store da ket iti naglakoan da a lima gasut a pisos ken barya ket napukaw, kasta pay iti selfon, handbag ken wallet ni Naida.
Nasarakan laengen iti handbag ken wallet ni Naida iti kamasetasan iti daya a paset ti pagtaengan da.
Kabayatanna, alas dose iti tingnga iti rabii idi inparabaw ni Ranea iti selfon na iti lamisaan iti asideg iti katre na ngem idi nakariing iti alas dose iti parbangon naduktalan na nga awanen iti selfon na nga aggatad iti tallu pulo ribo a pisos.
Im-imbestigaran dagiti otoridad nu daytoy a panagtakawan ket mainaig iti panagtakaw a napasamak iti uneg iti pagtaengan iti maysa nga OFW iti nasao a lugar.
