VIGAN CITY- Saan pay a maipasigurado nu kaanu nga aglukat ti Ilocos Sur musical dancing fountain gapu iti nakita nga error iti programmable logic controller gapu iti napigsa a kimat idi June 23.
Segun ken ni Dante Tacata, mangimanmanehar ti dancing fountain, awan pay iti nakaituding nga schedule nu kaanu a sumangpet dagiti technicians manipud idiay South Korea gapu ta isu da laeng iti mabalin a manggaraw iti PLC nga isu iti maibilang a pannakapuso ken pannaka-utek iti fountain.
Nu pay kasta, inpanamnama met ti South Korean company nga umay da tarimaanen iti kabiitan a panawen iti dadael iti dancing fountain.
Kabayatanna, dakkel iti epekto na kadagiti agtagilako iti pannakaipasardeng iti panagpabuya ti dancing fountain gapu bimmassit iti paglakuan da ta awanen dagiti local ken foreign tourists a suki da.
