--Ads--
VIGAN CITY- Sumagmamano kadagiti lugar a saan a nalayus iti napalabas a tawen ket nalayus dan ita gapu ti awan-sarday na a panagtudo gapu ti southwest monsoon wennu habagat.
Gapu ti dayta, addan dagiti nagbakwit a residente, nangruna dagiti agnanaed iti igid ti bantay ken baybay tapnu saan da a maisagmak.
Kabayatanna, idiay “sinking” barangay ti probinsiya a masarakan idiay Zone 2, Amguid, Candon City ket agtaltalinaed iti panagdanag dagiti residente iti posible a panangalun-on iti daga ti lugar da nu saan nga agsardeng ti tudo.
Ti agdama, naka-alerto ti Provincial Disaster Risk Reduction and Management Council ti Ilocos Sur tapnu insigida da a makapagresponde kadagiti agkasapulan.
-- ADVERTISEMENT --
