Nainaguraran ken nabendisyonan iti Caoayan Farmers Open Ilocos Sur’s First Farm Machinery Yard para iti nasaysayaat nga access iti agricultural equipment ken resources dagiti mannalon iti Caoayan a naisayangkat idiay Barangay Nansuagao.
Iti pannaki-uman ti Bombo Radyo Vigan ken ni Mayor Germy Goulart, napateg a masuportaran dagiti mannalon iti ili tapno mapadaras iti panagtalonda babaen iti panagaramatda kadagiti equipment ken machinery.
Kinunana a ti nasao nga addang ket umuna pay laeng iti ili iti probinsia ta kayatda a pagtuladan ida dagiti dadduma a Local Government Units (LGUs).
Kiddawna iti pannakitinnulong dagiti mannalon babaen iti panangiyegda kadakuada dagiti machinery-na tapno isudan iti mangmentenar.
Kabayatanna, indauluan ti ribbon-cutting ceremony da Governor Jerry Singson, Mayor Goulart, ken Department of Agriculture Regional Office I Representative Jomar Dayap.
