--Ads--
Maysa a barangay tanod ti nadungpar iti van iti national highway ti Barangay Cabalanggan, Bantay, Ilocos Sur.
Iti pannaki-uman ti Bombo Radyo Vigan ken ni PCPT. Donaldson Pagalanan, napaspas ti panagdalyasat ti van iti nasao a kalsada idin ta nadungparna ti tanod a bimmallasiw.
Gapu dayta, natukkol ti kannawan a takyag ti tanod, nadunor ti kidayna, ken nagasgasan ti nadumaduma a paset ti bagina.
Saan met a naan-ano ti drayber ti van ken dagiti naglugan.
-- ADVERTISEMENT --
Kabayatanna, baklayen met ti drayber ti van dagiti magastos ti nadungpar a tanod nga ita ket agpapalaing iti ospital.
