Awan ti nadangran iti napasamak nga aksidente a nakiaramanan iti motorsiklo ken tricycle iti national highway idiay Barangay Maynganay Norte, Sta. Maria, Ilocos Sur itay ala una singkwenta iti malem, May 12, 2026.
Ti nagmaneho iti white Yamaha Aerox motorcycle ket lalaki nga agtawen iti sangapulo ket siam, baro, estudyanten, awanan ti driver’s license ken saan a nagsuot iti helmet nga agnaed idiay Barangay Lingsat, Sta. Maria.
Ti met nagmaneho iti Yamaha RS 100 tricycle ket lalaki nga agtawen iti uppat a pulo ket lima, mannalon nga ahnaed idiay Maynganay, Sta. Maria
Agpapaamianan a direksyon ti motorsiklo ket idi nadanonna iti nasao a lugar pinadasna a liniklikan ti traysikel a nagpanggep nga agballasiw iti kalsada manipod iti daya nga agturong iti laud ngem kellaat a nagsubli iti orihinal a posisyonna gapu ta saanna a nakita iti napaspas a nakamotor.
Nagin-innayad ti nakamotorsiklo ken napan iti shoulder lane ngem isu metten iti pannakatukbobna iti traysikel a nakasango iti amianan a direksyon.
Iti baet a saanda a nadangran ket naipanda iti Ilocos Sur District Hospital – Narvacan para iti medical examination.
