--Ads--
Saan a rikpan ni Presidente Ferdinand Marcos Jr. ti posibilidad a sumali manen ti Pilipinas iti International Criminal Court ken iti Rome Statute.
Segun ken ni Palace Press Officer Usec Claire Castro, mabalin nga adalen ti administrasion kadagiti sumaruno a panawen ti panagsubli ti pagilian iti ICC no kasapulan.
Nupay kasta, inlawlawag ni Castro a saan latta a pabor ni Marcos iti panagbalin a miembro ti ICC maibasar iti naudi a panagsaritada.
Maipalagip a pormal a nagikkat ti Pilipinas iti ICC idi Marso 17, 2019 kalpasan a nagbalin nga epektibo ti panagikkat ti pagilian iti Rome Statute.
-- ADVERTISEMENT --
