Maysa ti nadangran iti napasamak nga aksidente idiay national highway, sakupen ti Barangay Burgos, ili ti Sta. Lucia.
Ti nagmaneho ti traysikel ket agtawen ti tallopulo ket dua, salesboy residente ti Barangay Conconig East ti nadakamat nga ili.
Ti met nagmaneho ti Geely SUV ket agtawen ti uppat a pulo ket siam, residente ti Barangay San Antonio, Candon City.
Basar iti CCTV footage, ti traysikel ket agpapa-amianan a direksion, idinto a ti SUV ket aggapu iti sabali a direksion.
Iti nadanonda ti nakapasamakan ti insidente, saan a nakontrol ti nagmaneho ti traysikel ti manibela ti lugan ket napan iti linya ti SUV rason ti panagdinnungpar da.
Nadunor ti agduduma a paset ti bagi ti drayber ti traysikel a naipan iti balay pagagasan para ti naan-anay a pannakatamingna idinto a saan a naan-ano ti nagmaneho ti SUV.
