Inkari ni PNP Chief Police General Jose Melencio Nartatez Jr iti nainget nga imbestigasion iti napasamak a panagpaputok iti paltog iti Senado idiay Pasay City.
Segun ken ni Nartatez, dagus a pinagtignay ti grupo dagiti imbestigasion nga idadaulwan ti Criminal Investigation and Detection Group tapno mangisayangkat iti imbestigasion ken malawlawagan no ania ti pudno a napasamak iti uneg ti Senado.
Daytoy nga impormasion ket gapu iti gandat a panangkemmeg ken ni Senador Bato dela Rosa iti uneg ti Senado kalpasan a nangiruar ti International Criminal Court iti warrant mainaig iti kampania kontra droga idi naglabas nga administrasion.
Imbilin pay ni Nartatez a mapagtalinaed ti koordnasion iti Senate Sergeant-at-Arms ken iti Senado tapno masigurado amin ti posible nga ebidensia.
