Kinarigat ti baig iti kabanbantayan, rason iti isusuko dagiti tallo nga NPA  iti Ilocos Sur

VIGAN CITY- Ti kinarigat ti biag iti kabanbantayan ken nakirang a suplay ti taraon iti sumagmamano laeng kadagiti rason   no apay a simmuko dagiti tallo a  kameng ti New People’s Army kadagiti militar iti Ilocos Sur.

 

 

Nagturong dagiti tallo a rebelde  a nabigbig iti alias a “Ka Winter”,  “Ka Somer” ken “Ka Paul”  iti military headquarters ti 7^th Infantry Division ti Philippine Army idiay Sta. Cruz, Ilocos Sur tapno maidanun iti kalikagum da a sumuko.

 

 

Inaklon da a nagsubli da iti  gobierno gapu iti rigat ti biag da iti kabanbantayan ket naguyogoy da    a sumuko  gapu  dagiti programa ti gobierno para iti panagbalbaliw da.

 

 

Iti agdama ket umaboten iti 14 a rebelde iti simmuko iti probinsya manipud Enero iti agdama a tawen.