Impaganetget ti International Criminal Court (ICC) a nakadepende iti kooperasyon ti gobierno iti Pilipinas iti panangipatungpal dagiti arrest warrant ken panagsuko dagiti suspek iti tribunal.
Kasaruno dayta iti kumpirmaston ni ICC Spokesperson Oraine Maillet nga addan ti warrant of arrest kontra ken ni Senador Ronald “Bato” dela Rosa, a aibilang a co-perpetrator ni dati a Pres. Rodrigo Duterte kadagiti kaso a crimes against humanity mainaig iti war on drugs.
Nagsarita ti opisyal ti ICC kalpasan iti kinnamat ken pannakapaay dagiti ahente iti National Bureau of Investigation (NBI) iti Senador iti premises iti Senado idi May 11, 2026.
Segun ken ni Maillet, gapu ta ti ICC ket maysa nga government institution a nakaangkla iti kooperasyon dagiti estado, addan iti ima dagiti national authorities ti panangkemmeg ken panagsuko ti suspek.
Inlawlawagna pay a no adda pakadanagan iti estado iti pannakitinnulong, ket mabalinda a komunsulta iti korte kasaruno iti Rome Statute.
Innayon ti opisyal iti ICC nga uray kimmalas iti Pilipinas iti korte idi 2019, saan dayta a makaapektar iti akemda a makitinnulong kadagtiti kriminal nga imbestigasyon ken proceedings kas maibasar ti Article 127 iti Rome Statute.
