Tallo pulo ket dua a manok a pangtadi iti natakaw idiay Barangay San Vicente, Magsingal, Ilocos Sur.
Ti biktima ket lalaki nga agtawen iti uppat a pulo ket maysa, caretaker, tubo idiay Dadalaquiten Norte, Sinait ngem agdama nga agnaed idiay Barangay San Vicente, Magsingal.
Ti suspek met ket lalaki, addan iti husto a tawen, tubo idiay Bagbaguin, Caloocan City nga agdama nga agnaed idiay Barangay Orence, Narvacan.
Nagturong ti biktima iti Magsingal Municipal Police Station idi May 11, 2026 ket impakaammona nga idi April 5, 2026 ket naduktalanna a tallopulo ket dua a piraso iti manok a pangtadi-na a 2months old wenno mapatta-patta nga aggatad iti P64,000 iti napukaw ken mapapati a natakaw.
Kinunana nga idi April 4, 2026 iti 4:30PM, pinakanna dagiti manokna ngem iti simmaruno nga aldaw ket naduktalanna a tallopulo ket dua iti mapukpukaw.
Patien ti biktima ken naduktalanna a ti suspek a dati a caretaker iti talon iti responsable iti panangala iti manok a pangtadi.
