Kinontra ni Vice Pres. Sara Duterte ti panawagan a sumuko ni Senador Bato dela Rosa kasaruno ti pakaammo a pannakairuar ti warrant of arrest iti International Criminal Court (ICC).
Impaganetget ni VP Sara nga awan iti siasinoman a rumbeng ngaagpanawagan ti panagsuko ta aniaman a warrant a saan nga inisyu iti korte iti Pilipinas ket saan a mabalin nga ipatungpal iti pagilian.
Pakaladingitan ni VP Sara nga arigna un-unaen iti sumagmamano a pulitiko ti personal nga interes ngem iti panagserbi iti publiko.
Ti reaksyon ti bise presidente ket gapu ti resolusyon nga impila iti lima a mimebro ti Minority Bloc iti Senado idi Martes a mangal-allukoy ken ni Dela Rosa a boluntaryo a sumuko kadagiti otoridad.
Iti salinong ti resolusyon, impaganetget ti minorya a historically ket iresrespeto iti assembly ti judicial ken prosecutorial processes a nakairamanan dagiti miembro ken dati nga opisyal.
