--Ads--

Insingasing ti Bangko Sentral ng Pilipinas (BSP) ti pannakaibaba ti capital requirements para kadagiti sumagmamano a kwalipikado a consumer ken small-business loans, kagiddan ti naing-inget a patakaran iti napegpeggad a property ken project financing.

Iti salinong ti circular, maibaba iti 75 percent ti risk weight ti qualified retail ken performing MSME loans manipud iti agdama a 100 percent, idinto a 45 percent met para kadagiti sumagmamano a qualified credit-card borrowers.

Maaddaan iti baro a risk-weight classification ti housing loans Maibasar iti loan-to-value ratio, a mabalin nga umabot iti 70 percent ti risk weight dagiti pautang a nalablabes ngem iti 100 percent ti Loan-to-Value ratio-na.

Gagem ti gakat a pagbalinen a mayataday iti lebel ti peggad ti capital requirements dagiti bangko kas maisurot iti Basel III standards.

-- ADVERTISEMENT --