
Posible a maartapan ti populasion dagiti Muslim dagiti Kristiano iti intero a lubong inton 2035 maibasar iti panagadal ti Pew Research Center, nga adda mapatta-patta a 2.57 bilion a Muslim no yarig iti 2.52 bilion a Kristiano.
Maikonkonektar iti manamnama a panagadu ti bilang iti nangatngato a fertility rate ken naub-ubing a populasion dagiti Muslim, imbes nga iti panagsukat iti relihion.
Inton dumteng ti 2070, manamnama nga umabot iti nasurok 3.6 bilion dagiti Muslim ken nakurang 3 bilion met dagiti Kristiano, idinto a posible a maartapan ti Pakistan ti Indonesia kas pagilian nga adda kadakkelan a populasion dagiti Muslim.
Inlawlawag ti Pew a patta-patta laeng dagitoy a bilang basar iti demographic trends, agraman ti panaganak, Pannakatay, migrasyon, ken panagbaliw iti relihion.









