
Maysa nga agtawen-iti-sangapulo ket dua a menor de edad ti nagbalin a suspek iti panagtakaw iti motorsiklo idiay Barangay Maynganay Sur, Sta. Maria, Ilocos Sur.
Ti biktima ket maysa a lalaki a dati nga Overseas Filipino Worker, agtawen iti limapulo, agnaed iti nasao a lugar.
Ti met suspek ket ni alyas Jay, agtawen iti sangtapulo ket dua, maysa nga out of school youth.
Segun iti biktima, mapukpukaw ti puraw a Yamaha Mio MX 125 motorcycle-na kabayatan a naiparada daytoy ken awan ti agbambantay iti uneg ti paraanganda.
Malaksid dayta, nabati pay ti tulbek iti ignition ti motorsiklo.
Iti imbestigasion ken panangkita iti CCTV footage ti Sta. Maria Police Station, naduktalan ti menor de edad a nangtakaw iti motorsiklo.
Saan pay laeng daytoy a naala ta saan a kayat nga ibaga ti suspek no nangipananna ti lugan.










