--Ads--

Nagballaag ti US Department of Agriculture a mabalin a maapektaran ti suplay ti baboy iti Pilipinas iti umuna a paset ti 2027 kasaruno ti 60 nga aldaw a suspension iti iseserrek ti imported pork.

Segun iti USDA, kadakkelan nga epektona daytoy ket posible a mapasaran manipud iti maudi a paset ti Enero agingga umuna a paset ti Marso 2027, ta manamnama a bumaba iti 94,029 metric tons ti pork imports iti umuna a quarter.

Nupay kasta, mabalin a makatulong ti temporaryo a suplay dagiti shipment a naipatulod sakbay a malpas ti Nobiembre ken sumangpet iti pagilian manipud maudi a paset ti Disyembre agingga Enero.

Patta-pattaen pay ti USDA a masapul a manayonan iti saan a nababbaba ngem iti 14 percent ti lokal a produksion ti baboy iti umuna a quarter ti 2027 tapno masupusupan ti demand no Agtalinaed a limitado ti imports.

-- ADVERTISEMENT --