
Adda itan iti kustodia ti US Immigration and Customs Enforcement ti dati a Venezuelan boxing champion a ni Jorge Linares kalpasan a makemmeg idiay El Paso International Airport iti Texas gapu iti mapapati nga overstaying-na idiay Amerika.
Segun iti ICE, simrek ni Linares iti nasao a pagilian idi Oktubre 26, 2023 ken agdama a sumangsango iti deportation proceedings.
Impaganetget met ti legal team-na nga adda pammalubos nga agtalinaed idiay US ken makitintinnulong isuna kadagiti awtoridad tapno marisut ti patangan.
Nangipeksa met iti suporta ni World Boxing Association (WBA) President a ni Gilberto J. Mendoza, idinto a ni Linares ket nagretiro idi 2023 kalpasan a Nagbalin a world champion iti featherweight, super featherweight ken lightweight divisions.










