Nagballaag ni Atty. Kristina Conti nga Assistant to Counsel a ti agtultuloy a panagpangta nga ar-aramiden dagiti supporter ni dati a Pres. Rodrigo Duterte kontra iti International Criminal Court (ICC) ket nagbalin nga ebidensya mismo iti prosecution tapno lapdan dagiti kiddaw a temporaryo a waya-wayaan ni Duterte.
Kinunana a saandan a bibiangan dagiti naaramid a kinapalpak ti kalabanda ken impaganetgetna iti panag-deny ti panagbalin a lehitimo iti ICC ket mangpakaru laeng iti panangpapigsa iti posisyon iti prosecution.
Maipalagip nga idi April 23, 2026 ket kinumpirmaran iti ICC ti tallo a kaso ti crimes against humanity kontra ken ni Duterte maipanggep iti rinibo a pinnatay iti kampania kontra droga ken nakaituding a mangrugi iti trial iti nagbaetan iti October 2026 agingga February 2027.
Dua a kangrunaanj nga abogado ni Duterte iti nagikkat idi kallabes a gappuanan iti panagsukat ti depensa ti dati a presidente, ngem impaganetget ni Conti a saan a makaapektar dayta iti kinapigsa iti ebidensya kontra iti dati a presidente.
Iti baet dagiti taktika ti depensa ket natibker ti kampo dagiti biktima ken patienda a ti public statement dagiti supporter ni Duterte ket gappuanan laeng tapno mapatibker ti kaso iti prosecution iti ICC.
