--Ads--
Kwinestionaran ti defense panel ni Vice President Sara Duterte ti admissibility wenno panangawat kas ebidensia ti sumagmamano a dokumento nga impasango ti prosecution iti impeachment trial.
Pinasingkedan ti kampo ni VP Sara, sumagmamano kadagiti dokumento ket saan a nakailanad iti Articles of Impeachment ken saan a katukad iti orihinal nga impeachment complaint nga impila ti House of Representatives.
Karaman daytoy iti Statements of Assets, Liabilities and Net Worth wenno SALNs ni Duterte manipud 2002 agingga 2021 a naala manipud iti Office of the Ombudsman.
Segun ti depensa, saan a maipagarup a karaman ti nadakamat a SALN iti agdama nga impeachment charge gapu ta sakop na daytoy idi panawen a saan pay a nagserbi a bise presidente ni Duterte.
-- ADVERTISEMENT --
