Isayangkat ti National Bureau of Investigation (NBI) iti imbestigasyonda ita nga aldaw (November 29, 2024) inaig ti pangta a panangpapatay ni Vice President Sara Duterte kada President Ferdinand Marcos Jr, First Lady Liza Marcos ken Speaker Martin Romualdez, uray saan nga agpakita kas pinasingkedan ni Director Jaime Santiago.
Awan pay laeng ti sarita ni Duterte nu agparang iti NBI ita nga aldaw.
Kayat ni Duterte a ma-postpone ti imbestigasyon tapno maatendaranna ti hearing ti House Committee on good government and public accountability iti kwestyonable a pannakaaramat ti confidential funds.
Nupay immunan a pinasingkedan ti NBI a silulukatda iti postponement ket kinuna ti House Committee a saanda nga ituyloy ti hearing ita nga aldaw tapno saan a makalisi ni Duterte iti pannakisinnarak iti NBI.
Inlawlawag ti Department of Justice a mabalin nga agrequest ni Duterte iti rescheduling iti NBI appearance na tapno ma-accommodate dagiti engagement-na.
Segun ken ni DOJ Undersecretary Jesse Andres, ti appointment ni Duterte iti NBI ket posible a maituding inton sumaruno a lawas, posible nga inton Lunes wenno Martes gapu ti urgency iti nasao a banag.
Immunan a kinumpirmaran ni Duterte a nakaawat ti opisinana iti subpoena manipod NBI ket nakiddaw iti panagpakitana iti opisina ni NBI Director Jaime Santiago idiay Pasay iti alas nuebe iti bigat ita nga aldaw.
