--Ads--
Kinumpirmaran ti National Bureau of Investigation (NBI) a kukua ti kabagyan ni Senador Robin Padilla ti na-raid a PNP-CIDG a pagtaengan idiay Angeles, Pampanga a mapapati a naglemmegan ni Senador Bato dela Rosa.
Segun ken ni NBI Director Melvin Matibag, naammoan a kukua ti kabagyan ti senador ti nasao a pagtaengan gapu kadagiti lugan a nakarehistro iti nasao a lugar.
Ngem saan a nakita ni Sen. Dela Rosa kadagiti lugar a rinaid dagiti otoridad.
Agsagsagana metten ti NBI nga imbitaran iti sumagmamano a personalidad a naudi a kadua ken nakasarita ni Sen. Dela Rosa para iti imbestigasyon.
-- ADVERTISEMENT --
