Nalpasen ti negosasion para iti ASEAN Digital Economy Framework Agreement (DEFA), ti kaunaan a komprehensibo a tulagan iti digital economy iti rehiyon a nakaituding a mapirmaan inton November ita a tawen.
Segun ti Department of Trade and Industry – Bureau of International Trade Relations, amin a nabatbati nga isyu iti negosasion ket nasolbar iti maikadua a panagtaripnong iti 57th ASEAN Senior Economic Officials Meeting (SEOM) a napasamak idiay Manila manipod May 27 agingga 29.
Segun ken SEON Chair Mary Sherylyn Aquia, dayta iti maysa a napateg a balligi para iti ASEAN ta idurduronda ti gagem ti rehiyon a maaddaan ti maysa a “digitally integrated, secure, interoperable, competitive ken inclusive regional economy.
Manamnama a maaddaan iti dakkel nga epekto ti DEFA iti panagdur-as iti digital economy iti ASEAN a posible nga umabot iti USD 1 trillion inton 2030 ken mabalin ng agdoble iti USD 2 trillion no maipatungpal a nasayaat ti tulagan.
Sakup ti tulagan ti digital trade, cross-border e-commerce, data governance ken privacy, digitl identity, electronic payments, online safety, cybersecurity cooperation, artificial intelligence ken digital talent mobility.
