Posible a maipasango kas testigo ti House prosecution panel iti impeachment trial iti Senado kontra ken ni Vice President Sara Duterte dagiti opisial manipud iti Anti-Money Laundering Council (AMLC), Office of the Ombudsman, Securities and Exchange Commission (SEC) ken National Bureau of Investigation (NBI).
Segun ken ni House Prosecutor ken Bicol Saro Party-list Representative Terry Ridon, napateg ti testimonia dagiti opisial mainaig iti alegasion ti unexplained wealth ken posible a panaglabsing nga adda pakainaiganna iti State of Assets, Liabilities and Net worth (SALN).
Ad-adalen da pay no iraman da dagiti opisial ti Bureau of Internal and Revenue kas testigo mainaig ti tax records ni VP Sara ken ti asawa na a ni Atty. Mans Carpio.
Kalaksidan dagiti volunteer lawyers, mangala pay ti prosecution panel ti financial experts, accountants, ken auditors tapno sukisoken ti AMLC record ken SALN tapno mapapigsa ti ebidensia da iti trial.
