--Ads--

Inawagan ni National Bureau of Investigation (NBI) Director Melvin Matibag ti alegasion ti kampo ni Bise Presidente Sara Duterte a ‘tsismis’ maipapan iti mapapati a pangta iti biag dagiti dati a household staff-na gapu ta awan pay ti ebidensia.

Daytoy ket kalpasan nga impalgak ni Atty. Paolo Panelo a mapapati a nakaawat ni Duterte iti mensahe manipud kadagiti dati a household staff-na iti tulong gapu ta mapapati nga iggem dagitoy ti sumagmamano nga indibidual.

Segun ken ni Matibag, awan pay ti naawat ti NBI a pormal a reklamo mainaig iti mapapati a panagpukaw dagiti dati a household staff.

Indagadag ni Matibag iti kampo ni Duterte a mangipila iti pormal a reklamo kadagiti otoridad tapno maimbestigaran a nasayaat ti insidente.

-- ADVERTISEMENT --

Iti sabali a bangir, inawagan ti NBI dagiti post dagiti supporters ni Duterte a paset laeng ti kampania iti social media tapno makagun-od iti simpatia ti publiko.