--Ads--

Impasigurado ni United States President Donald Trump ti napigsa a panagtitinnulong ti Estados Unidos kadagiti pagilian ti Asia, bayat nga inyebkasna ti naan-anay a suporta kadagiti kaalyado ken kasosyona iti rehion.

Iti US–ASEAN Dinner a naangay idiay Manila idi Martes, Nobiembre 17, impaganetget ni Trump ti kinapateg ti panangtaginayon iti natibker a relasion kadagiti kasosyo a pagilian ti Washington.

Impaganetget pay ti presidente ti US ti nainget a panagtitinnulong ti depensa iti nagbaetan ti Estados Unidos ken Pilipinas, a nabayagen nga alyado iti benneg ti seguridad.

Impasigurado pay ni Trump a nakasagana a mangsungbat iti awag ti gobierno ti Pilipinas no kasapulanna ti tulong manipud iti Estados Unidos.

-- ADVERTISEMENT --