--Ads--

Inrugi ti Department of Science and Technology (DOST) ken ti Atmo a nakabase iti Estados Unidos ti Philippines AI Forecast, maysa a libre a weather forecasting iti paniempo a mabalin a ma-access babaen iti pahayon.gov.ph.

Ti plataporma ket mangipaay agingga iti 14 nga aldaw a weather forecast ti paniempo iti lebel ti komunidad ken ag-update iti tunggal 15 a minuto, agraman ti impormasion maipapan iti tudo, angin, temperatura ken humidity.

Ti sistema ket pinagtiponna ti teknolohia ti artificial intelligence (AI) ken datos manipud kadagiti Doppler radar, estasion ti paniempo ken satellite ti DOST ken ti Philippine Atmospheric, Geophysical and Astronomical Services Administration (PAGASA).

Mangnamnama ti gobierno a makatulong ti baro a plataporma kadagiti nasapsapa a pakdaar ken nasaysayaat a panagsagana dagiti komunidad, negosio ken lokal a disaster response team kontra kadagiti kalamidad.

-- ADVERTISEMENT --