Nagisayangkat ti Criminal Investigation and Detection Group (CIDG) kadua ti National Bureau of Investigation (NBI) ti uppat nga aggigiddan nga operasion idiay Parañaque, Bulacan, at Pampanga tapno sapulen ken iserbi ti warrant arrest ni Senador Ronald Bato Dela Rosa.
Segun iti CIDG, naisayangkat ti operasion kasaruno ti bilin ti Department of Justice, Department of the Interior and Local Government, ken ti hepe ti Philippine National Police.
Kinumpirmaran ni CIDG Director Maj. Gen. Robert Morico II a nai-deploy dagiti tracker team manipud iti CIDG Intelligence Group, National Capital Region Police Office, ken Police Regional Office 3 tapno ipatungpal ti warrant kontra ken ni senador Dela Rosa.
Sumangsango ti senador iti warrant manipud iti International Criminal Court (ICC) mainaig ti kaso a crimes against humanity of murder gapu ti war on drugs ti napalabas nga administrasion.
