Pinasingkedan ni House Committee on Higher and Technical Education Chair Jude Acidre a rumbeng a physical a dumar-ay dagiti senador iti mapasamak nga impeachment trial ni Vice President Sara Duterte tapno makabukel iti husto a sentensia.
Dayta iti tignay ni Acidre kadagiti patangan a posible a mapalubosan iti sumagmamano a senador a makipaset iti trial babaen ti remote wenno online participation.
Segun ken ni Acidre, napateg ti pisikal a presensya ta isu laeng iti pakakitaan dagiti detalye a saan a saan a kabaelan nga ipakita ti screen, kas iti tignay ti testigo ken ti tensyon babaen ti prosecution ken defense.
Insaludsodna no kasano a husgaran no saan a makita no kasano nga aggaraw ti tignay ken kasano ti dynamics iti panagsaludsod ti prosecution wenno defense iti witness.
Inlawlawag ti agpampanday linteg nga uray maaw-awaten ti virtual attendances dagiti masansan a panagdenggeg iti Kongreso manipod iti pandemia, agduma iti sitwasyon iti maysa nga impeachment ta saan a kas agpampanday linteg ni diketdi hukom wenno senator-judges iti akem dagiti senador.
