Awan ti special treatment a maited kenni Davao City mayor Sebastian “Baste” Duterte nu sumango kas testigo iti impeachment ti kabsat a ni Vice President Sara Duterte, segun iti impeachment Court.
Pinasingkedan ni spokesperson Atty. Reginald Tongol, mabalin laeng nga usaren ni Baste ti holding room para iti Vice President nu kayat na, ngem mabalin nga agtalinaed daytoy iti regular a waiting area dagiti testigo.
Napaayaban ti mayor a sumango kas prosecution witness tapno sungbatan dagiti saludsod maipanggep iti transaction ti Davao City Government ken Gencorp Industries nga indeklarar ni VP Sara kas business interest iti SALN na.
Naibilin met iti Mayor nga agitugot kadagiti opisyal a rekord ti kontrata manipod 2020 agingga iti agdama a mainaig iti GenCorp ken dagiti identity ti mangimatmaton iti maysa nga establisimiento.
