--Ads--
VIGAN CITY-Ngimmina amin a kangrunaan a magatang para iti panagtaraknan ti baboy isu a nakigtot ni Edgar Tejada, presidente ti Ilocos Sur Hog Raisers Association no apay a limmaka ti liveweight.
Segun kenni Tejada, adayo a nalaklaka ti presyo ti liveweight ditoy probinsya no ikomperar idiay Central Luzon ken pinaglikudan na nga immado ti suplay ta kinunana ket nagtalinaed a kalalainganna ken makanay laeng para iti probinsiya.
-- ADVERTISEMENT --
Innayon ti presidente ti hog raisers association nga ado kadagiti partidor ti gumatgatang ti liveweight iti kabangibang a probinsiya ta agderetso kadakuadan dagiti produkto ket makainot da iti gasolina wenno plete.
