--Ads--
Saan a nagiruar ti Temporary Restraining Order ti Korte Suprema mainaig iti kiddaw ni Senador Ronald Bato Dela Rosa a lapdan ti warrant of arrest nga inruar ti International Criminal Court.
Imbilin ti Korte Suprema dagiti sumagmamano nga opisial nga agipasa ti komento iti uneg ti pitopulo ket dua nga oras iti mosion ti senador a mangkweskwestion iti validity ti ICC arrest warrant.
Karaman iti nakiddaw a sumungbat ken agkomento ti Executive Secretary, Department of Justice, National Bureau of Investigation ken Philippine National Police.
Segun ken ni Supreme Court spokesperson Atty. Camille Ting, posible pay nga agirruar ti TRO iti sumarsaruno nga aldaw kontra iti posible a panangkemmeg ti ICC ken ni Dela Rosa.
-- ADVERTISEMENT --
