Imbilin ni Presidente Ferdinand Marcos Jr. ti panangipataw ti temporario a price ceiling iti imported rice tapno malapdan ti maipagarup a saan a nainkalintegan a panagngato ti presio iti merkado.
Iti salinong ti Executive Order No. 118, naikeddeng ti maximum retail price a P50 kada kilo para iti imported rice nga adda 5% broken content, nga epektibo iti uneg ti tallopulo nga aldaw.
Ti addang ket sungbat iti rekomendasion iti National Price Coordinating Council (NPCC) iti panagisayangkat ti dagus nga intervention tapno masigurado ti pannakapaadda ti nalaka a bagas.
Ti Price Act a naikkan ti bileg ti presidente nga agipatungpal ti price ceiling iti basic necessities ken prime commodities kontra iti saan a mayataday a panagngato ti presio, hoarding, profiteering ken market manipulation.
