--Ads--
Nagpalagip ti Department of Trade and Industry mainaig ti nainget a panangipatungpal ti automatic price freeze iti amin a basic necessities kadagiti rehiyon ken lokalidad a naipasidong iti state of calamity.
Segun iti DTI, maipatpatungpal ti pagannurotan iti salinong ti Republic Act No 7581 wenno Price Act tapno protektaran dagiti umili kontra iti manang-gundaway a prtesio kadagiti kangrunaan a produkto.
Nagbalaag ti ahensia a sinuman ti aglabsing iti pagannurotan ket sumango iti maiyannatup a dusa ken posible a mabalud.
Ti addang ket kasaruno ti nalawa a perdision gapu kadagiti naglabas a bagyo ken epekto ti Habagat iti intero a pagilian.
-- ADVERTISEMENT --
