Naipasidongen iti state of calamity iti uppat a pulo ket pito a siudad ken ili kalpasan maapektaran ti Habagat, Bagyo Luis ken Maymay ti nasurok 4 milyon nga indibidwal wenno nasurok 1 milyon a pamilia iti nakurang 4, 000 a barangay iti intero a pagilian, segun ti Office of the Civil Defense.
Apektado ti CAR, Ilocos Region, Cagayan Valley, NCR, Central Luzon, CALABARZON, MIMAROPA, Bicol, Western Visayas, ken Zamboanga Peninsula.
Iti kabuklan a bilang, 52,087 nga indibidwal iti adda ti 533 nga evacuation centers, idinto a 50,515 a tattao ti matultulongan iti irruar dagiti evacuation centers.
Karaman dagiti lugar a naipasidong ti state of calamity ti Dagupan City, Calumpit, Bulacan, intero a Pampanga, Rodriguez, Rizal, ken 23 a siudad ken ili idiay Cavite.
