Agtultuloy nga imon-monitor ti Department of Social Welfare and Development ti bilang dagiti pamilia ken indibidual a naapektaran iti Habagat, a pinapigsa dagiti naglabas a bagyo Luis, Maymay, Neneng, ken Pilandok.
Iti kaudian a listaan ti DSWD-Disaster Response Management idi Mierkoles, September 16, umaboten iti nasurok 10-milion nga indibidual ti apejtado kadagiti nasao a didigra.
Dagitoy ket manipud iti nakurang pito ribo a barangay iti National Capital Region, Cordillera Administrative Region, Ilocos Region, Cagayan Valley, Central Luzon, CALABARZON, MIMAROPA, Bicol Region, Eastern at Western Visayas, ken Zamboanga Peninsula.
Kabayatanna, nasurok 31-K met nga apektado nga indibidual ti agtaltalinaed iti uneg ti nasurok 400 nga evacuation center, idinto a nasurok 56,000 nga apektado nga indibidual met ti temporaryo a kimmamang kadagiti gayyem wenno kabagyanda.
Iti agdama, nasurok P3-billion pay ti pondo ti ahensia para iti agtultuloy a pannakaipaay ti tulong kadagiti apektado nga indibidual ken pamilia iti nasao a rehion.
