Nagpanawagan ni Senador Francis Kiko Pangilinan iti gobierno a dagus a simpaen ken isubli dagiti kalsada, rangtay ken irrigation system a nadadael gapu ti Habagat ken dagiti naglabas a bagyo a timmama iti pagilian.
Segun ken ni Pangilinan, posible a kumaro ti problema ti food security ti pagilian gapu ti perdisyon nga intunda ti nalawa a panaglayus iti Metro Manila ken ka-asideg a probinsia.
Balaag ti senador a ti nabayag a pannakadadael ti agriculture infrastructure ket nasursurot pay a maka-perdisyon kadagiti mannalon ken mangngalap kasta pay a mabalin a maka-apekto iti suplay ti taraon.
Kiniddaw na iti gobierno nga unaen ti dagus a pannakasimpa ti farm-to-market roads, irrigation systems, mechanization ken dryer facilities tapno maisubli a dagus iti panagtalon dagiti mannalon, maipan dagiti apit da iti merkado ken makasagana para iti sumaruno a planting ken harvest cycle.
