--Ads--
Umaboten iti tallopulo ket dua nga indibidwal ti kumpirmado a natay gapu iti napagtitipon nga epekto ti Habagatb ken dagiti naglabas a Bagyo Luis, Maymay, ken Neneng, segun iti kabaroan a report manipud iti Office of Civil Defense (OCD).
Nairekord iti probinsia ti Benguet ti kaadduan a biktima no sadino 15 ti natay gapu ti panagreggaay ti daga.
Adda pay dagiti natay manipud iti La Union, Rizal, Batangas, Quezon, Mindoro, Negros Occidental, ken Caloocan gapu ti pannakalmes, pannaka-kuryente, rockslide, ken pannakatupak dagiti kayo.
Kalaksidan kadagiti natay, adda pay 19 nga indibidwal ti nadunor idinto a tallo met ti mapukpukaw nga agtultuloy a masapsapul idiay Quezon City, Manila, ken Batangas.
-- ADVERTISEMENT --
