Nagpakdaar ti Phivolcs iti posible nga panagayus ti lahar, ken pitak iti aglawlaw ti Mt. Pinatubo ken Bulkan Taal gapu iti agtultuloy a napigsa a tudo nga nga epekto ti Habagat.
Iti Mt. Pinatubo, mabalin a maapektaran dagiti ili ti San Marcelino, San Narciso, San Felipe ken Botolan iti Zambales, kasta met ti sumagmamano a lugar iti Tarlac ken Pampanga.
Kabayatanna, iti Bulkan Taal, mabalin nga iyanud ti tudo dagiti naurnong a rugit ti bulkan nga agturong kadagiti dalan ti danum ken Taal Lake, a posible a mangapektar iti Agoncillo, Laurel ken Talisay, Batangas.
Binalakadan ni Phivolcs dagiti lokal a gobierno ken ti publiko a nainget a bantayan ti kasasaad ti panawen ken dagus a mangiyetnag iti pakdaar wenno mangala iti safety measures no kasapulan.
