--Ads--

Dinayaw ni Department of Trade and Industry (DTI) Secretary Ma. Cristina Roque dagiti nagapuanan ti ASEAN Economic Community Council iti sidong ti 2026 Association of Southeast Asian Nations (ASEAN) Summits, pakairamanan ti pannakaipatungpal ti Digital Economy Framework Agreement (DEFA).

Segunb ken ni Roque, panggep ti DEFA a papigsaen ti digital economy iti rehion babaen ti dakdakkel a panagtitinnulong ken panagtipon iti tay-ak ti digital services ken trade kadagiti pagilian a kameng ti ASEAN.

Ti katulagan ket manamnama a makatulong a mangpalawa kadagiti gundaway para kadagiti negosio ken mangpasayaat kadagiti transaksion iti nagbaetan dagiti miembro a pagilian, bayat a maitandudo ti nasaysayaat a relasion ti ekonomia iti rehion.

Impaganetget ti DTI a ti nasao a katulagan ket napateg nga addang iti pannakapapigsa ti digital economy ti ASEAN ken iti pannakapapigsa ti panagtitinnulong dagiti miembro a pagilian iti baet ti agtultuloy a panagdur-as ti digital trade.

-- ADVERTISEMENT --