Nagballaag ti Philippine Competition Commission (PCC) kadagiti rice importer kontra iti panagiwaras iti sensitibo nga impormasyon iti negosyo ta mabalin a makaapektar dayta iti patas a kompetisyon iti merkado kasaruno iti pannakaipatungpal ti price cap iti imported a bagas.
Dayta iti nagpapatangan ti taripnong iti PCC ken Philippine Rice Importers’ Association idi May 20 tapno masigurado a mayannatup ti operasyon iti Executive Order 118 ken masalakniban iti patas a trading.
Iti salinong ti Executive Order 118 a nairuar idi May 13, impatungpal ti gobierno iti nationwide price cap a P50 kada kilo iti imported rice nga adda lima a porsiento a broken rice iti uneg iti tallopulo nga aldaw, malaksid no nasapsapa nga ikkaten ni Pres. Ferdinand Marcos Jr.
Gagem ti price cap a mapagtalinaed iti nalaka a presyo iti bagas para kadagiti aggatang bayat a mapagtaltalinaed iti kinatibker iti merkado ken supply chain.
