Pinasingkedan ti Department of Agriculture a naduktalan iti naisayangkat a monitoring ti Bureau of Plant Industry (BPI) dagiti posible a madi a panag-label ti bagas iti sumagmamano a paggatangan idiay Manila.
Dayta iti gappuanan ti panagamak ti sumagmamano a trader a maipapasa ti imported a bagas kas nangin-ngina a lokal a klase tapno gundawayan ti agduduma a presyo iti merkado.
Iti naipasa iti Inspectorate and Enforcement Service ken Legal Service iti Department of Agriculture, inlanad ti Plant Product Safety Services Division iti BPI ti resulta ti panagadal iti innem a sample ti milled rice a naala manipod Cogon Market idiay Cagayan de Oro City ken Commonwealth Market idiay Quezon City.
Babaen ti Philippine National Standard para ti grading ken classification iti bagas, karaman ti statistical origin profiling, naduktalan ti ahensya ti sumagmamano a saan a maipada iti nagbaetan ti naideklarar a nagtaudan ken resulta iti panagadal, mangipasimudaad iti posible a madi a representasyon iti panag-label iti bagas kadagiti paggatangan.
