Nagpanawagan ni Senador Mark Villar ti napigpigsa a wagas tapno masalakniban ti suplay ti taraon ti pagilian gapu iti pangta ti Super El Niño a mabalin a mangapektar iti produksion ken mangingato ti presio dagiti tagilako.
Segun kenni Villar, immaboten iti P6.8-B ti pannakadadael ti agrikultura ti El Niño agingga iti Oktubre 2026, idinto a 109 a lugar ti nangideklara ti state of calamity maibasar iti report ti Office of Civil Defense.
Namakdaar pay ti Department of Agriculture (DA) a mabalin a bumaba ti produksion ti bagas iti 700,000 metric tons wenno 3.5 percent iti tinawen a target gapu iti nakaro a tikag.
Insingasing ni Villar ti pannakapasayaat ti pannakaidulin ti taraon, transportasion, pannakaiwaras, pannakamonitor ti presio ken suplay, ken pannakaidur-as ti Integrated Urban Agriculture Bill tapno mapapigsa ti lokal a produksion ken masigurado ti umdas ken makabael a taraon agingga iti 2027.
