--Ads--
Rugian ti Department of Agriculture (DA) ti agiwaras kadagiti mobile solar irrigation system ita a Disiembre tapno matulongan dagiti mannalon iti epekto ti El Niño ken nakaro a tikag.
Kaadduan kadagiti alikamen ket maiwaras inton Enero 2027, a maigiddan iti manamnama a kadaksan a dry spell iti nadumaduma a rehion.
Mabenepisiaran daytoy dagiti rice fields, vegetable gardens, livestock ken aquaculture sectors, partikular kadagiti lugar a nakaro ti pannakaapektar ti El Niño ken addaan iti umdas a rekurso ti danum.
Nagkiddaw ti DA iti tallo a bilion a pisos a pondo babaen ti programa ti UPLIFT, a ti maysa a bilion a pisos ket para iti mobile solar irrigation ken dua a bilion a pisos para kadagiti regular a solar irrigation projects.
-- ADVERTISEMENT --
