--Ads--
Pa-paimbestigaran ni Senador Imee Marcos ti maipagarup a panagaramat ti government-controlled Planters Products, Inc. kas pambar iti nalawa a panagangkat ti bagas.
Daytoy ket iti baet ti masursurot a limitasion iti direkta a rice importation ti gobierno iti salinong ti Rice Tarrification Law.
Pinasingkedan ni senador Marcos a nangipila isuna ti Proposed Senate Resolution No. 392 tapno imbestigaran ti maipagarup a makapadudua a panagserrek ti miniyon a sako ti imported rice ti PPI.
Kwinestyonaran ti senador no kasano a na-import ti PPI ti dandani 2 bilyon a gatad ti bagas idin a mapatta-patta a P90 milyon laeng ti maipagarup a pastrek idi napan a tawen.
-- ADVERTISEMENT --
