Ipaiman ni Blue Ribbon Committee Chairperson Sen. Erwin Tulfo iti opisina ti Ombudsman ti pannakaadal ti panangibabawi ni Orly Guteza ti immuna nga testimonya maipapan ti flood control projects.
Segun ken ni Tulfo, saanen nga awagan manen ti Senate panel ni Guteza ket maiturong ti nasao a banag iti Ombudsman.
Adda met iti anti-graft body dagiti immun-una a sarita ken dadduma pay a rekord a naurnong ti Senado bayat ti imbestigasion.
Maipalagip a nagiruar ti sarita ni Guteza idi kallabes ti baro a testimoniana ket imbabawina met laeng ta segun kenkuana ket inallilaw ken pinilit laeng isuna da Sen. Rodante Marcoleta.
Kinuna ni Tulfo a nasaysayaat no ikeddeng ti Ombudsman no kasano nga apektaran ti recantation ti agtultuloy nga imbestigasion ken no ania ti sumaruno nga addang.
Kabayatanna, kinuna ti Ombudsman a saan a basta nga ipaigid wenno haan nga ikkan ti importansia ti nasao a banag iti laksid ti recantation ni Guteza. Kleofe Jyna Dayag
