Kinanselar ni Ombudsman Jesus Crispin Remulla ti naituding a biahena idiay France inton Nobiembre 17 gapu kadagiti agtultuloy a protesta iti nasao a pagilian.
Naituding koma a makitaripnong kadagiti awtoridad ti France mainaig kadagiti opisial ti Pilipinas a mapapati nga aglemlemmeng idiay, agraman da Sen. Loren Legarda, Batangas Rep. Leandro Leviste ken dati a kongresista a ni Zaldy Co.
Sumangsango da Legarda ken ni Leviste kadagiti reklamo a plunder ken graft mainaig iti mapapati nga iregularidad iti solar business-da, idinto nga adda dagiti kaso a sangsangwen met ni Co mainaig iti flood control projects.
Innayon ni Remulla a nakaipilan ti Ombudsman iti 79 a kaso kontra kadagiti 67 nga akusado mainaig iti flood control scandal, a nakairamanan ti saan a nababbaba ngem iti P10.78 billion a pondo ti gobierno.
