--Ads--
Nagpanawagan ni Ombudsman Jesus Crispin “Boying” Remulla a mapaingetan dagiti kwalipikasion dagiti kandidato iti kina-barangay captain tapno masigurado ti kabaelanda nga agtakem.
Segun ken ni Remulla, napateg a mabaliwan dagiti agdama a requirement ta dagiti kapitan ti barangay ti mangimaton iti pondo, programa ken serbisio ti gobierno.
Inlawlawag ni Remulla a bigbigbigenna ti kaadduan a kapitan ti barangay a napudno ken nalaing iti trabahoda.
Kabayatanna, awan pay ti naidatag a kongkreto a gakat para kadagiti baro a kwalipikasion sakbay ti naituding a Barangay ken SK Elections inton Nobiembre 2028.
-- ADVERTISEMENT --
